انا ام احمد المغسلة
المتوفية بتتبول على نفسها والسبب.
وقبل ما نبدأ حكايتنا اعرفكم بنفسي انا أم أحمد المغسلة طبعا عارفني كويس وانا النهاردة جايبة لكم حكاية غريبة جدا وقبل ما بدأ الحكاية في يوم كنت قاعده ولقيت احمد ابني جاي عليا بيقولي
احمد
صباح الخير يا امي عامله ايه النهارده طمنيني عليكي يا ست الكل بقولك ايه يا حبيبتي عمي كلمني وعايزني اروح فرح بنتة انتي ايه رايك
المغسلة
ومالو يا بني روح خود مراتك وابنك وروحوا بس متقوليش اجي معاكم
احمد
وليه بقا يا ست الكل هو انتي مش المفروض تيجي معانا انتي عارفه ان المشوار في الصعيد وبعيد يعني هنضطر نبيت هناك انتي عايزاني اسيبك في البيت لوحدك
المغسلة
وفيها ايه بس يا حبيبي هو انا يعني هتخطف مانا بنام لوحدي علطول وانت ومراتك فوق في شفتكم بس انت عارف اني انا ومرات عمك مش بنتفق مع بعض
احمد
انا نفسي اعرف انتو ليه دايما كده من زمان انتي لحد النهارده مش راضية تعرفيني ايه السر اللي بينك وبين مرات عمي
المغسلة
ابدا
يا حبيبي دي كانت مشاكل عائلية كده زي اي سلايف مع بعض اقولك متشغلش بالك انت وشوف انتو رايحين امتى وروحوا انا كده كده يمكن يجي لي شغل فهروح
احمد
انا نفسي بجد ترتاحي يا امي بقا من الشغل ده انتي هتفضلي طول عمرك بتشتغلي كده نفسي اريحك يا ست الكل وبعدين ما أنا بقبض كويس وممكن نعيش كلنا من القبض ده
المغسلة
لا يا حبيبي معلش انا مرتاحة في شغلي كده
احمد
انا عارف اني مهما اتكلم معاكي انتي مش هتسمعي الكلام ياماما خلاص خليكي براحتك بقا المهم انك متشتكيش من حاجة يلا انا هاقوم بقا عن اذنك
ومشي احمد وبعدها لقيت واحدة جايه بتخبط عليا
واما فتحت لقيتها بتقولي
عواطف
سلام عليكم ورحمة الله وبركاته هو ده بيت ام المغسلة يا حبيبتي
المغسلة
ايوه يا حبيبتي انا ام احمد المغسلة انتي مين
عواطف
انا واحده جايه لك من طرف حد عنده واحده اتوفت وطالبينك بالأسم تيجي معانا بس المشكلة انها هتتغسل في المنوفيه وانتي لازم تيجي معانا
المغسلة
في المنوفيه ازاى يا حبيبتي بس ده سفر بعيد وكمان ااا
عواطف
متقلقيش من الفلوس هنديكي كل اللي انتي عايزاه بس المهم انك تيجي معانا انا عرفت انك بتتكلمي مع المتوفين وعرفت كمان انك مطلوبة عشان اللي اتوفت وصت بكده
المغسلة
بصي هو انا مش فاهمة حاجة وبعدين انا مش بتكلم عن الفلوس ولا حاجة ولا اصلا الفلوس تهمني يابنتي بس انا هاجي معاكي طالما المتوفيه وصت بكده بس تعرفني منين
عواطف
بصي يا احمد انا معرفش حاجة بس كل اللي اقدر اقولك عليه اني انا اصلا مرات عم جوز اللي اتوفت دي هي شابة صغيرة بس كانت بتتبول على نفسها في الايام الاخيرة بس ايه السبب انا معرفش برضو اصل سلفتي اللي هي حماتها مكنتش بترضي ان حد يدخل في حياتهم
المغسلة
شكلها حكايتها حكاية يا الا انا معرفتش بيكي وبعدين كمان انتي متدنيش فرصة اضايفك لحظة واحده ادخل اجيب حاجة ساقعة
عواطف
لا لا ياست الكل ولا تتعبي نفسك وانا اسمي عواطف او ام كريم اللي يعجبك نادي لي بيه المهم بس انا لازم نمشي دلوقتي عشان نلحق العربية اللي هتتنقل فيها المتوفية
المغسلة
لحظة واحده اغير هدومي واجي معاكي
ودخلت غيرت الهدوم ونزلت روحت مع عواطف ولقينا العربية اللي هتتنقل فيها المتوفيه وانا قولت لهم
المغسلة
ممكن انا اركب معاها يا جماعه بعد اذنكم لوحدي
رد
جوزها وقالي
عماد
ماشي يا ست ام احمد اتفضلي اركبي معاها
وطلعت معاها في العربية ولقيت نازل منها مايه في العربية وقولت
المغسلة
لا حول ولا قوة الا بالله انتي بتعملي كده ليه وايه اللي بيحصل ده سببة ايه
لقيتها قامت قعدت وقالت لي
فاتن
الحمد لله انك جيتي انا كنت مستنياكي عشان تيجي لي انا كنت موصية في ورقة سبتها لعماد جوزي
المغسلة
وكان فيها ايه الورقة دي وانتي تعرفيني منين يابنتي
فاتن
انا اسمي فاتن كنت عايشة مع امي في المنوفيه وانتي يام أحمد كنتي غسلتي واحده قريتنا من تلات سنين وعرفت من يومها انك بتتكلمي مع الناس اللي بتروح وتتوفي وبيحصلهم حاجات غريبة وانتي الوحيدة اللي بتعرفيها
المغسلة
برضو انا معرفتش انتي جبتيني ليه
فاتن
انا اصلي عملت حاجة كبيرة ونفسي ربنا يسامحني عليها انا دلوقتي رايحة ادفن في بلدنا وعشان انتي تخلي امي تسامحني عشان اللي انا عملته فيها اترد فيا وبقيت زيها بس هي كان عندها صبر من عند ربنا وصبرت ولسه عايشة لحد دلوقتي عشان انا اروح واندم على كل حاجة عملتها فيها
المغسلة
كملي يابنتي وبعدين انتي عملتي ايه في أمك هو انا تقريبا عرفت نص الموضوع بس برضو انتي لازم تحكي لي على اللي حصل كله
فاتن
زمان وانا بنت مكنش حد بيعرف يتكلم معايا كنت عايشة مع امي لوحدنا بعد ابويا ماراح وفي يوم
فلاش باك
فاتن راجعة من بره متأخر الوقت الساعه بقت نص الليل وامها قالت لها
الام
انتي كنتي فين احد دلوقتي يابت انتي ايه اللي اخرك كده
فاتن
وانتي مالك انتي يا وليه بقولك ايه سبيني في حالي وابعدي عني انا مش عايزة اشوفك قدامي انا اصلا بحب اتأخر برة البيت عشان خاطر
مشوفكيش ابعدي عني انا اصلا مش بحب
الام
هو انتي ليه بتعمل فيا كده حرام عليكي يا فاتن هو في واحدة تعمل كده في امها انتي ليه جاحده كده
فاتن
انا مش جاحده انتي اللي جاحده بقا يا وليه في واحده تتجوز اتنين وتدوبهم كده ياشيخة منك لله ده انا حتى كلمه ماما مش قادرة اقولها لك عشان انا مش عايزة اقولك يا ماما حتى
الام
استغفر الله العظيم من كل ذنب يارب يابنتي هو انتي بتعاقبيني عشان لما ابوكي راح انا اتجوزت بعده ما راح هو كمان
فاتن
ههههه ايوه ما أنا عارفه انك مدوباهم اتنين ياماما وممكن تدوبي التالت عادي ما انتي واخده على كده
الام
لا مبقاش في لا تاني ولا تالت انا صحتي خلاص مش متحملة لا تاني ولا تالت ارحميني بقا يافاتن ولازم تعرفي اني عملت كده عشان خاطر الاقي حد يصرف علينا انا وانتي
فاتن
لا ياشيخة بقا انتي كنتي عايزة واحد يصرف علينا ولا عشان انتي بتحبي الرجاله
الام
اخس عليكي يا قليلة الادب انتي صحيح قليلة الرباية وانا اللي دلعتك ما أنا مكنش عندي غيرك اعمل ايه اضطريت اني ادلعك
فاتن
بقولك متعمليش الشويتين دول عليا يا ختي ماشي اصل الكلام ده مش بيدخل عليا خلاص خليكي في حالك بقا
الام
طيب يا فاتن بس انا كل اللي عايزة اقولك عليك ربنا يهديكي وتعقلي وتعرفي اني امك اللي عمرك ما هيبقا لك في الدنيا حد غيري ادخلي يابنتي ادخلي ربنا يهديكي
ودخلت فاتن اوضتها وكلمت واحد اسمه سامح وقالت له
فاتن
ايوه يا سامح انا لسه واصله اهو انا في البيت اهو انت بقا مشيت بسرعه ليه وسبت المحل هو انت اتخانقت مع المدير ولا ايه
سامح
لا ابدا انا بس زهقت شوية كده فقولت امشي هو انتي كنتي عايزة
حاجة ولا ايه وبعدين يا ست فاتن انا زعلان منك
فاتن
وزعلان مني ليه بقا يا سامح هو انا كنت عملت
