انا ام احمد المغسلة

لك ايه ان شاء الله
سامح
عشان مش مدياني ثقة خالص ولسه بتخافي مني. ومش مدياني امان هو انا هاكلك يابت ولا ايه ده انا وانتي هنسهر مع بعض سهرة حلوه وناكل اكله حلوه وخلاص
فاتن
وانا يا حبيبي قولت لك كذا مره انا مش بتاعت الكلام ده وانت لازم تشيل الفكرة دي من دماغك خالص ماشي
سامح
طيب انتي عايزه ايه وانا اعملهولك يا ست البنات
فاتن
انا عايزة نتجوز في الحلال يا حبيبي ده لو انت فعلا عايزني بجد ماشي
سامح
طيب خلاص انا هفكر في الحكاية دي وابقي ارد عليكي
فاتن
الله ما أنا المفروض مين اللي يفكر في الحكاية دي ويرد على التاني بس يا سي سامح وانت هتفضل تتهرب كده لحد امتى ان شاء الله بقا
سامح
يابت هو انتي ليه دايما فاكراني بتهرب منك كده انا عايزك ورايدك ونفسي اعيش معاكي بس انتي تعالي معايا سكة كده وانا هبقا تمام معاكي

فاتن
وانا قولت لك كلك بالحلال وغير كده لا يا حبيبي سلام
وكان سامح في الوقت ده معاه واحده فتاة ليل
زيزي
انا مش عارفه انت ليه مدلوق على البت دي كده ياسامح هي يعني مفيش غيرها ولا مفيش غيرها
سامح
اسكتي انتي متعرفيش حاجة البت دي امها عندها بيت كبير اوي يجيب له بالقليل قوي خمسة مليون جنية انا بقا عايزة البيت ده باي طريقة
زيزي
يابن اللذينة ياسامح ده انت دماغك دي لو العنب طيب هو انت بقا ناوي تبيعه ازاى ان شاء الله عشان واثق اوي انك انت هتبيعه
سامح
بصي البت فاتن مش بتحب امها وبتكرهها كره العما وانا بقا لو قولت لها بيعي كلية امك دي هتبيع امها نفسها مش كليتها بس عشان تبقى عارفة
زيزي
ايوه بقا هو ده الكلام طيب وانا يا بيبي اكيد ليا من الحب جانب طبعا
يعني انا يافيها لا اخفيها صح ولا ايه
سامح
وده بقا تهديد ولا ايه بالظبط يا قلبي متنسيش انك بتتكلمي مع سامح سموحة ماشي
زيزي
عارفه يا حبيبي انك سامح اللي محدش يقدر عليه ابدا بس انا يعني بقول اني عايزة اي حاجة يعني اللي تشوفو وتقدرني بيه

سامح
انتي بس ادعي كده وانا اشوفك متقلقيش يا قلبي خالص
وبعدها تاني يوم فاتن كانت صاحية عشان تروح الشغل في المحل اللي هي بتشتغل فيه وامها قالت لها
الام
انا مش عارفه هو لازمتة ايه الشغل اللي انتي بتروحيه ده انا مش عارفه انتي اصلا بتاخدي منه ايه غير الملاليم اللي بتاخديها دي
فاتن
انا مش بروح الشغل ده عشان خاطر الفلوس وانتي عارفه كده كويس انا بروح عشان اهرب منك ومن وشك انا مش عايزة افضل في وشك طول النهار كده
الام
الله يسامحك يابنت بطني انا مش عارفه انتي ليه بتعملي كده ليه بتكرهيني
فاتن
بقولك ايه هو انتي كل لما تشوفي خلقتني هتفضلي تسأليني الأسئلة النيلة بتاعتك دي ما خلاص بقا انتي عارفه انا بكرهك ليه خلصنا خلاص
الام
ماشي يا بنتي اللي تشوفيه اعمليه بس انا خايفة ليجي اليوم وانت تندمي على ده كله انتي متعرفيش ساعتها انا هاكون فين وانتي فين

فاتن
بقولك ايه انتي بس روحي كده عند ربنا وملكيش دعوة انا مش هندم ولا هتنيل عشان تبقى عارفه انا ماشية سلام
ونزلت فاتن ركبت تاكسي وافتكرت لما امها كانت متجوزة وجوز امها كان بيضربها بس امها كانت بتدافع عنها بس هي كرهتها وقالت لنفسها
فاتن
برضو مهما تعملي انا خلاص بقيت بكرهك مع انك ملكيش ذنب في حاجة بس انا بكرهك برضو وعمري ما هصفالك ابدا
وصلت الشغل ولقت سامح بيقولها
سامح
صبح صبح
يا قمر هو القمر بيطلع في النهار ولا ايه ايه القمر ده ياناااس
فاتن
بقولك ايه انا مش ناقصاك على الصبح يا جدع انت ابعد عني عشان عفاريت الدنيا بتتنطط في وشي
سامح
في ايه بس يا جميل هو انا عملت ايه بقولك ايه انا خلاص اخدت القرار ونويت اننا نتجوز بس انا عندي شرط
فاتن
وايه هو بقا الشرط ده ياسي سامج ان شاء الله عشنا وشوفنا ان العريس هو اللي بيتشرط كمان
سامح

لا ده بقا زمن العجايب يا قلبي متستغربيش كده بصي ياست الكل دلوقتي انتي قولتي ان امك عندها البيت الكبير ده كله باسمها ايه رايك لو ناخده منها ونبيعة
فاتن
يا صلاة النبي وانا بقا هاخد منها البيت ازاى ان شاء الله ده هي ورثاه عن ابويا الله يرحمة برغم انها اتجوزت واحد تاني فيه بس البيت باسمها ومعتقدتش انها تتنازل عنه كده بسهولة
سامح
خلاص يا قلبي احنا نتجوز ونعيش معاها وانا بقا بطريقتي هخليها تتنازلك عن البيت قولتي ايه
فاتن
فكرة حلوه اوي يا سامح خلاص هنتجوز ان شاء الله حتى النهاردة ايه رايك
سامح
طيب وامك مش هتعرفيها ولا ايه
فاتن
لا لا امي ايه انا هحطها قدام الأمر الواقع يلا بينا على الماذون
سامح
ااه بس مش معايا فلوس اديها للماذون دلوقتي
فاتن
ولا يهمك يا سموحة انا معايا يا قلبي يلا بقا قبل ما ترجع في كلامك
وفعلا راحت فاتن مع سامح واتجوزوا ورجعت البيت معاه عند امها وقالت لها
الام
ايه ده مين الجدع ده يا فاتن انتي تعرفيه منين وداخلة بيه كده كانه بيت ابوه
فاتن
ده جوزي يا ماما عندك مانع ولا حاجة اصل انا اتجوزتوا دلوقتي ايه مفيش مبروك ولا ايه
الام

مبروك على ايه يابت انتي هو انتي اتجننتي ولا ايه انتي
ازاى تعملي كده فهميني يازفتة
فاتن
بقولك ايه بطلي كلامك ده انا خلاص اتجوزت يلا بينا يا موحة ندخل اوضتي يلا ياقلبي
الام
ااه حرام عليكي للدرجة انا مليش قيمة في نظرك ولا ليا قيمة عندك ااه ياقلبي
سامح
هو انتي هتمثلي يا ولية ولا ايه دي بتقولك اتجوزنا يعني معملناش حاجة غلط الحقي ياتونة اومال لو كنت غلطت معاكي كانت هتعمل ايه هعهعهع
وراحت امها واقعه وفاتن قالت
فاتن
هي راحت ولا ايه يا سامح
سامح
راحت ايه انتي كمان دي زي القردة اهيه وبتتنفس عادي بقولك ايه تعالي نوديها اي مستشفى ماهي برضو امك يا حبيبتي
ودوها المستشفى وهناك الدكتور قالهم
الدكتور
دي جلطه شديدة وادت الي شلل نسفي الف سلامه عليها
سامح
يادي الحظ يعني هي لازم تتشل دلوقتي
فاتن
طيب ماهي فرصة يا حبيبي اننا ناخد منها اللي احنا عايزينو
سامح
صح يا بت ياتونة دي فعلا فرصة وجات لحد عندنا وفي الجون كمان
وبعدها رجعوا امها للبيت وقالت لها
فاتن

خودي بقا يا حلوه امضي على الورقة دي
فضلت امها تهز راسها بلا فضلت كده لحد لما سامح مسك ايديها بالعافية ومضت لما كمان هددتها
فاتن
برافو عليكي هو ده الكلام هانروح امتى بقا نبيع انا الصراحة مستعجلة
سامح
لا لا اهدي شوية ياقلبي لسه الموضوع محتاج طيب والوليه دي هنوديها فين
فاتن
متقلقش انا هرميها عند الجيران بس نخلص ونبيع البيت اهم حاجة
وبعدها فضلت امها تعبانة وبقت تعمل حمام على نفسها وقالت لها بتعب
الام
يابنتي نضفي لي انا مش هينفع افضل كده علطول بريحتي دي
فاتن
لا خليكي بربحتك كده علطول انا بقا عجبني الريحة دي انما انا انضف لك مش هنضف لحد اقولك على حاجة انا هجيب
لك كوباية تعملي فيها احسن ايه رايك
الام بتعيط
لا حول ولا قوة الا بالله العلي العظيم ربنا يسامحك يابنتي مش قادرة