رواية ” صديقي الغامض ” كاملة جميع الفصول
رواية الصديق الغامض الفصل الاول
ف يوم وانا نازل من العمارة اللي ساكن فيها ورايح الشغل قبلت واحد لقيته بيقلي ازيك ي بشمهندس خالد..
قلتله ب استغراب اهلا وسهلا مين حضرتك!؟
– انا احمد ساكن ف العمارة اللي جمبك كنت بشوفك معدي كل يوم ف قلت اسلم عليك ..
اهاا اهلا بيك ي استاذ احمد حضرتك شغال اي !؟
– انا محاسب ف بنك جمب الشركة اللي حضرتك شغال فيها
اهاا اهلا وسهلا اتشرفت بيك.. عن اذنك علشان اتاخرت عالشركة…
– اذنك معاك مع السلامه …
مشيت ورحت الشغل وكان يوم ممل كالعادة.. معنديش صحاب ولا اي حد يهون عليا الوحدة اللي انا فيها.. خلصت شغل وانا راجع كان فيه حديقة جمب العمارة اللي انا ساكن فيها معرفش لي جه ف بالي قلت ادخل اقعد فيها شويه بس لما دخلت كان فيه حاجه غريبة اووي.. الحديقة دي اول مره تبقي فاضيه كده ومفيهاش حد دخلت وقعدت جواا وفضلت افكر هو انا لي كده مفيش حاجه حلوة ف حياتي لي معنديش صحاب!! وقفلت عيني وريحت دماغي علي الكرسي اللي قاعد عليه…
– بشمهندس خالد ي بشمهندس خالد…
فتحت عيني لقيت احمد وببص ف باقي الحديقة برضو مفيهاش حد… ازيك ي استاذ احمد..
– استاذ اي بقي شيل الالقاب قلي ي احمد علي طول ..
تمم وانت كمان قلي خالد من غير بشمهندس اتفقنا..
– اشطاا اتفقنا ممكن اقعد معاك ولا هضايقك؟ ..
لا طبعا اتفضل انا اصلا قاعد لوحدي
– طب وقاعد لوحدك لي ؟
عادي انا مليش صحاب واتعودت علي كده..
– غريبه…!
هو اي اللي غريب !
– انا كمان مليش صحاب !!
يااه ده انا كنت فاكر ان محدش زيي كده..
– لا ي سيدي انا اهو زيي زيك
وفضلنا نتكلم انا وهو لمدة 3 ساعات وعرفت انه مش متجوز وعايش لوحدة.. انا ارتحت معاه اوي ف الكلام يمكن لانى متكلمتش مع حد قبل كده…يااه ي احمد الساعة بقت 3 الفجر احنا الكلام خدنا ونسانا الوقت..
– اهاا ده انا كمان محستش بالوقت ..
طب انا هقوم بقي علشان معايا شركة الصبح ولازم اصحي بدري مع السلامة
– خالد.. هو احنا ممكن نبقي صحاب!؟
انا اول ما سمعت الجملة دي فرحت اووي اللي هو هجرب هيبقي ليا صاحب وكده..
طبعاا ي احمد احنا من هنا ورايح احنا اصحاب اشطاا..
– اشطااا\
وسبته ومشيت بس اول ما وصلت عند باب الحديقه قلت ابص اشوفه جاي هو كمان ومروح ولا قاعد ببص ملقتهوش قلت يمكن مشي من باب تاني ولا حاجه وكملت طريقي ورحت نمت …
صحيت الصبح لقيت تلفوني بيرن الو…
– الو ي خالد انا احمد..
ازيك ي احمد صباح الخير
صباح النور قوم يلا وراك شغل.
ماشي هقوم وانت البنك بتاعك مش الصبح برضو ولا اي؟
اهاا اهو انا لبست ونازل مع السلامة
قفلت وقمت علشان البس انا كمان…اي ده احمد جاب رقمي منين !!!
فضلت افكر وقلت هساله لما اشوفه ولبست ورحت الشغل..
_ بقلكو اي.. اي رايكو اروح اضايق خالد اول ما يدخل الشركة واهو نضحك عليه بدل الملل اللي احنا فيه ده
مروة: يخربيتك ي يوسف تموت وتعكنن عليه بس اشطاا احنا عايزين نضحك عليه
اسراء: تمام اشطااا
حاتم: هتعمل اي بالظبط؟
يوسف: هتشوفو
_ ازيك ي خالد..
اهلا يا استاذ يوسف..
_ استاذ اي ي عم شايفني ماسك عصاية وشنطه…
اللهم طولك ي روح خير ي بشمهندس يوسف..!
اي ي عم اول مره تيجي متاخر اي كنت سهران مع صحابك امبارح ولا مراتك اخرتك؟..
مع انه عارف انى مش متجوز ولا عندي صحاب بس هو بيحاول يرخم عليااا…
اناا بصيت للباقين لقيتهم بيضحكو صعبت عليا نفسي وحسيت نفسي دمعت وهعيط ودي اول مره تحصل.. لقيتهم لاحظو انى دمعت وضحكهم زاد وقالو ليوسف خلاص ي عم ده هيعيط
انا سبتهم ورحت اشوف شغلي بس حسيت نفسي عايز اعيط برضو ف رحت الحمام وفضلت اعيط هنااك اول مره يحصلي كده يمكن عشان صعبت عليا نفسي.. بعد كده هديت وخرجت ببص اي ده!! احمد انت بتعمل اي هنا !!
– جيت اطمن عليك حسيتك مش كويس انت كنت بتعيط!؟
لا ي راجل اعيط اي مفيش راجل بيعيط..
لقيته بيبصلي بصه غريبة وقلي متاكد !!
اهاا ي احمد فيه اي..
مفيش وسابني وخرج مره واحده خرجت وراه بس ملقتهوش معقول يكون مشي بالسرعة دي!
مره واحده سمعت صوت صريخ براا خرجت جري ببص اي ده !!!!!! للتكملة إضغط على متابعة القراءة
تابع المقال
رواية ” صديقي الغامض ” كاملة جميع الفصول
رواية الصديق الغامض الفصل الثاني
لقيت يوسف مشNو.ق بحبل ومتعل..ق ف المروحة.. انا تنحت كده وسالت اي اللي حصل لقيت المدير مذهول و بيقلي يوسف ان..ت..ح..ر.. انا استغربت و قلت ازاي ده الصبح كان بيهرج وجه رخم عليا يعني مش مكت..ئب ولا حاجه ان.ت.ح.ر لي!.. جات المباحث والاسعاف خدت الج.ث.ه.. والمدير ادي يومين اجازة بسبب اللي حصل.. روحت ف اليوم ده وكنت مش مستوعب اللي حصل وانا مروح قابلت احمد عند باب العمارة بتاعتي…
– ازيك ي خالد..
الحمدلله انت رحت فين لما كنت عندي ف الشغل النهارده..
– روحت شغلي..حد ضايقك تاني غير يوسف!؟..
انا تنحت اي ده انت عرفت منين !!
– عادي شفته الصبح وهو بيرخم عليك
انا خوفت بس حاولت اداري خوفي ده عشان ميحسش بحاجه.. مم ماشي ي احمد انا تعبان وطالع انام عايز حاجه
– لا سلام..
سبته وطلعت شقتي ونمت من غير ما احس بنفسي..
صحيت تاني يوم لقيت باب الشــــ..قه بيخبط قمت فتحت لقيت احمد..
– ازيك ي خالد..
اهلاا ي احمد اتفضل…
دخل احمد وقفلت الباب بعدكده لقيته بيقلي.. مرحتش الشغل لي ..قلتله ادونا اجازة بسبب اللي حصل..
قلي تمم..
قلتله تمم اي مش هتسالني اي اللي حصل؟!
لقيته بيبصلي بصه غرييه كده وبيقلي يوسف ان.ت.ح.ر!
اي ده عرفت منين !!
– كانو منزلينها ف الجرايد
قلتله تمم..فجاءة قام وقلي انا مروح سلام فتح الباب بسرعة وخرج خرجت وراه علشان اقله اقعد ببص ملقتهوش..
قلت اي ده مركب ف رجله عجل…
عدي اليوم وجه الليل لقيت نفسي مالل قلت انزل اروح الحديقة..نزلت ووصلت عند باب الحديقة لقيت فيه ناس جوا المره دي وكان فيه 4 شباب قدام الباب المهم جيت ادخل لقيت واحد منهم بيقلي اي ي نجم رايح فين..بصتله كده وقلتله وانت مالك انا داخل جوا..لقيت اللي معاه جم وقلت بس انا كده هتعارك مع 4 وهتضرب بس مفرقش معايا ولسه بيقربو مني وهنتخانق النور بتاع المكان كله قطع والدنيا عتمت محدش شايف حد.. وسمعت صوت صر..يخ.. بس الدنيا معتمه ومش شايف حد رحت طلعت الفون علشان انور بس النور جه والدنيا نورت.. اي ده !!!!!
الفصل الثالث من هنا
